Subic Adventure Beach

Tinaon ko ang bakasyon ko sa aking trabaho ng Fiesta sa aming lugar, medyo may katagalan na rin kasi akong hindi nakaranas magdiwang ng pista ni San Isidro Labrador. napapligiran kasi ang baryo namin ng bukid kaya naman siya ang naging patron. Kokonti lang ang dumating na bisita namin, nagback-out kasi ang mga Tiyahin ko at Pinsan ko na taga-Maynila papunta sa amin, kaya iyon marami pang natirang handa. At dahil nga dito, naisipan kong gawin na lang ang Family Swimming namin kinabukasan pagtapos ng Pista para na rin walang gaanong asikasuhin sa pagkain.

Ang unang plano na pupuntahang Beach Resort ay ang Dungaree Beach na kung saan kokonti ang tao at mura pa ang entrance base  noong huling pagbisita namin. Pero pagdating nga namin doon ay napakaraming tao na at nagmahal pa ang entrance nila, mula sa P80 bawat tao naging P150.00 na halos dumoble. Kasabay pa rin nito mayroong ginawa rin siya na venue ng taunang Triathlon Competition sa Subic (na insecure tuloy ako sa mga katawan ng mga kasali doon, at tuluyan nang nahiya yung bilbil ko hehe), kaya puno rin ang mga cottages (na mahal din P1500.00). Nagdesisyon na lang tuloy ako na lumipa tng iba doon sa hindi pa namin napupuntahang beach (actually napuntahan ko na), kaya dumeretso kami sa Camayan Beach Resort (tabi lang siya ng Ocean Adventure na pag-aari din yata nila). Pero pagdating doon puno rin, natanong ko tuloy sa sarili ko, ano ba meron ngayon bakit punuan ang mga beach??? (Ayun naman pala, Sabado kaya pala sandamakmak at siksikan ang tao). Pero bago makarating ng Camayan Beach resort meron kaming nadaanan na bago sa paningin ko sa tinagal kong nagtrabaho sa Subic ay ngayon ko lang napansin yung karatula ng Beach na iyon na “ADVENTURE BEACH THIS WAY” (sa tabi may arrow). Kaya yun ang unang pumasok sa isip ko na subukan namin yung bagong beach nga, lingid naman sa kaalaman ko na pag-aari din pala ito ng Ocean Adventure (Kaya pala Adventure Beach hehe).

May kamahaln din ang Entrance P250.00 para sa matanda at P200.00 naman sa bata na hindi lalagpas ng 30 inches (hindi pa nila pinalgpas yung baby ko na 32 inches), pagkatapos yung cottages nila na tawag ay Cabana ay P1,500 kung sosolohin ninyo kapag may kasama kayo ay P750.00 na lang. Wala naman corkage yung pagkain kasi hindi kami siningil, hindi ko alam kung meron sa alk dahil 2 bote lang ang dala ko na beer na ininom ko agad pagdating namin (nauhaw kasi ako sa biyahe). Pagpasok mo sa gawa-gawa nilang gate (hindi pa kasi gaanong gawa) ay sasalubungin ka ng mga nakaunipormeng staff na may pang-cowboy na sumbrero at tatanungin kung ilan kayo sabay pindot sa calculator, pagbayad nyo sa gate ay aalayan naman nila kayo kung saan ang Cabana na napili ninyo.

Pagpasok sa resort ay bubungad sa iyo ang isang malaking puno ng camachile na napapaligiran ng magandang landscape at upuan na bato at sa paligid ng parte na ito ng parke ay may net na nagsisilbing pinakaharang sa balkon.

Scene pagpasok sa entrada ng resort

Sa bandang kaliwa ng resort ay mayroong naka enclosed o nakaliskob na parang fishpen sa palaisdaan na kung saan makikita mo ang mga dolphin at whales.

Yung fishpen nasa gilid ko hehe di gaano kita e

Maliit lang ang pinaka haba ng beach ay maliit lang pero malinis at mukha talagang ginastusan ang pagpapaganda dito. Meron din silang mga ginawang silungan sa beach mismo, dito rin naka-istambay ang mga Life Guard (opo may lifeguard).

Ang pinaka-beach ng resort, mapapansin din sa likod ang bulubundukin ng Zambales

Ang mga cabana’s ay gawa sa kawayan at pawid na naka-barnis.

Cabanas

May mga kasabay kaming mga turista na nanggagaling sa Ocean Adventure hindi ko alam kung kasama sa package nila ang paggamit din ng beach. Noon kasing nagpunta kami sa Ocean Adventure dati ay wala pa o hindi pa nila nadevelop ang Adventure Beach.

Ganda ng View ng Beach sa bandang harap

Mayroong din souvenir shops at mga damit na pang ligo na binebenta sa resort kaya kung nakalimutan mongmagdala ng panligo ay wala kang problema. Wala ring  swimsuit requirements sa lugar kaya kahit na naka-abaya o saya ka ay pwede maligo hindi ko alng alam kung pagtagal ay i-require na nila.

Mga bentang damit sa souvenir shop

Ang souvenir shop ng resort

Meron ding kayak na pwedeng arkilahin sa halagang P400 sa loob ng isang oras, pwede ring P200.00 naman sa kalahating oras.

Kayakero

Mga ekskursyunista handa na magsagwan

Mahirap din palang mag-kayak, lalo na kung first time mo. Meron kasing mga bata na sumubok hindi nila makontrol yung direksyon ng kayak, ayun napunta sila sa Ocean Adventure na hinabol tuloy ng Life Guard na ang bilis lumangoy.

Mga kayakero

Maganda ang mga pasilidad ng resort mula sa shower room at sa toilet, Aircon ang restroom at kumpleto sa tissue at sabon panghugas.

Kita na ang buong resort sa view na ito

Kahit na hindi ka marunong lumangoy at lagi lang sa pampang ay ma-enjoy mo pa rin ang lugar, sa linaw ng tubig ay siguradong hindi ka makakapagpigil maglunoy at damhin ang ginhawang dulot nito.

Mga batang sumisilong sa lilim ng puno habang naglulunoy

"Footprint and a son"

Kung hindi ka pa nakakpunta ng Ocean Adventure ay pwede ka magkaroon ng sneak preview pagpunta mo dito sa Beach tanaw kasi ang mga acrobatic moves na pinangangaya ng mga dolpihns at whales sa mga bisita nila, para karing kasama sa palabas dahil rinig mo ang paghanga ng mga manonood at pati rin ikaw ay mapapa Oooooohhhh at Ahhhhh, sabay sabi ng galing!!!

View papasok ng gate papuntang Ocean Adventure

Natapos ang pagbibilad namin sa araw ng mga alas – 5 ng hapon, tama lang din sa isang group picture.

Group picture muna

Mabuti na lang at nakakuha kahit na isang litrato, naubusan na kasi ako ng baterya.

Sige hanggang dito na lang, sa suusnod na paglaboy ulit.